الإعلامية هالة حداد
مسا الخير
مش صعب تدوير الزوايا عند الشاطرين ,لكن صعب الزركة بالزوايا عند المحترفين..
ومنّو صعب تميّز حجار الزوايا عند المبدعين..من هون وبهالزوايا رح نكون الليلة شهود مش زور ,شهود عيان على ولادة التوأم.
التوأم الشعري حالة ممكن تكون صارت او ممكن رح ترجع تصير , لكن اللي رح يصير الليلة مختلف, جديد ومميز..
رح تتم الليلة التوأمة بين شاعرين مختلفين بالأطباع ومتفقين بالتواضع ..واحد منن بيعترف إنو حكوجي أخوث والثاني بيوحيلنا انو ابن الرواق...بمعنى أو بآخر التجربة رح تكون ناجحة لأن الإختلاف محفز واحتكاك السلبي بالإيجابي بيولّع, بيفجّر وبيولّد الطاقة...والطاقة بالمطلق حاجة ...كيف اذا كانت شعرية يعني قيمة مضافة..
كل اللي بعرفو انو الليلة رح يتّوأموا سليم علاء الدين ومهدي منصور بروح الشعر بس أكيد مش على طريقة البلديات اللبنانية ببلديات اجنبية اكبر منن بالقدرات ليكون في استفادة ...هو الاستفادة للطرفين لأن مهدي وسليم رح يتّوأموا بالتوافق والتراضي ليتكاملوا وليقوموا بهالخطوة يعني كل واحد منن واثق بحالو وكل واحد منن بيعترف بالأخر وكل واحد منن ما عندو عقدة الآخر ولا غيرة من الآخر, وبصراحة ,كل واحد منن متصالح مع حالو.وبيبقى السؤال , لأي مطرح رح يوصلوا بهالتوأمة؟ لحدود الذوبان بالآخر, أو رح يبقى كل واحد بيحمل بصمتو وخصوصيتو, بكرا منعرف.
والأكيد إنو هالحالة رح تكون أمام تحديات . ربما يدخلوا ولاد الحلال وما أكثرن بهالبلدويوشوشو مرة هون ومرة هونيك حتى ما يكتمل المشوار. بتمنى يكونوا سليم ومهدي عملوا لقاح ضد الأمراض الإجتماعية اللبنانية.
وكمان ,هل اتفق مهدي وسليم على الأجوبة التقليدية الخبيثة؟..مثلا..مين خلق قبل ؟ يعني من أكبر؟ وقولكم المقصود بالسؤال العمر أو الشعر؟؟
وكمان ممكن رح ينسألو ؟ ممكن أحد أفراد لتوأم يشتغل منفرد؟وهل بيجمع بيناتن عقد عمل ما؟؟
بدكم تتحملوا يا شباب ..هيدي ضريبة التوأمة.
ولأن في فرق بين التثنائي والتوأم لهيك متفاءلة يكون مصير التوأمة ما بيشبه مصير الفرق والثنائيات الفنية العربية.
يعني وحدة بدل التفكك
شغل بدل البطالة
وانتاج بدل النق.
بالنهاية بعترف انو التحدي كبير بهالحالة, لكن روح الشباب عند مهدي وسليم بتخليهم يناضلوا للآخر.
وبيبقى إتمنى التوفيق للتوأم سليم ومهدي وإتأمل بشي لفتة إعلامية نحو الثقافة بشكل عام والشعر بشكل خاص.
واعطاء الفرصة اللازمة للشباب لأنن هني امل ومستقبل التغيير بهالبلد...
شاعر لبناني، وأستاذ جامعي متخصص بالفيزياء والتربية، من مواليد 29 شباط، يعدُّ من أبرز الوجوه الشعريّة في لبنان والعالم العربي.
ابتدأ مشواره الشعري في برنامج المميزون الذي عرضته المؤسسة اللبنانيّة للإرسال عام 2003 حيث حصد الميداليّة الذّهبيّة عن فئة الشعر المرتَجَل.
صقل منصور موهبته الشعريّة وأفقه الإبداعي عبر دراسته وتدريسه الادب العربيمن جهة ودراسته الفيزياء والرياضيات التطبيقية والتربية حتى نال شهادةالدكتورة في فيزياء الكم.
لعلّ أبرز المحطّات التي كرّست اسم الشاعر مهدي منصور عربيّاً كانت مشاركته في برنامج أمير الشعراء 2008 الذي تنتجه وتبثّه قناة ابوظبي الفضائيّة حيث نال الشاعر جائزة لجنة التحكيم.
في شعر مهدي منصور، تنسجم الاصالة وhلحداثة معاً انسجاماً تامّاً حتى لكأنهما تبدوان قبلتين لثغر واحد، فهو يكتب بلغة عصره ويتعمق في التجارب الشعريّة الحديثة، ولكنّه يحافظ على الإيقاع الموسيقي الساحر الذي يميّز الشعر العربي، الأمر الذي نال استحسان كبار شعراء لبنان فدعموه وقدموا له.
ويتّخذ شعر منصور طابعاً إنسانيّاً شاملاً وبُعداً كونيّاً يترجم أدق الهواجس اللاإنسانية ويطرح الاسئلة التي تضع الإنسان في مواجهة مع ذاته، الامر الذي خوّله الحصول على جائزة ناجي النعمان الثقافيّة عام 2009 وشملت الجائزة طباعة ديوانه الأخير "يوغا في حضرة عشتار" وعلى جوائز وميدالياتٍ وأوسمةٍ عديدة لا يتسع المكان لذكرها.
مثّل منصور وطنه في المحافل الشعرية والمهرجانات الثقافية العربية والعالمية.والجدير ذكره أنّ قصائد الشاعر منصور تُدرّس في بعض كتب الأدب العربي في المناهج اللبنانية والعربيّة كما وترجمت بعض قصائده إلى لغات عدة كان آخرها ترجمة إلى اللغة الألمانية ضمن دراسة "أنطوبولوجيا" أعدّها معهد غوتّه الألماني...
صدر للشاعر:
متى التقينا 2004
انت الذاكرة وأنا 2007
قوس قزح 2007
كي لا يغار الأنبياء 2009
يوغا في حضرة عشتار 2010
أخاف الله والحب والوطن 2016
الأرض حذاء مستعمل 2016
فهرس الانتظار 2018